Tha jo shreshth sarv kuruwansh mein
fir bhi mitti mein use ghulana pada
thi bhagyaresha usaki kahi aur fir bhi use
bhagyaresha ke anjaam se hatbal hona pada
nahi jana tha usane sangram yudhha jeevan ka ran bhumi tak le jaayega
prayas chaahe lakh kare fir bhi ant mitti mein ho jaayega
thi vishal daya karuna usake bhitar
na jhaka kisine uske wivash man ke andar
sangram jeevan ka usane jeeya kan kan mein vilin woh hogaya
devtao ko bhi chal karna pada jab usake shaurya aur kaabiliyat ka danka chaaron dishao mein gunja
samastha aryavrat ka data aur koi na tha usake jaisa
kundal bhi daan diye kavach bhi daan diya lobh maaya ko na kabhi ashray diya
tha jag ne use dhikkara magar kalyug mein bhi adar usane paaya
tha shresth, uttam, nirbhay, needar daani woh ang desh ka raja
na lobh tha kabhi usake man mein bas adar ko woh tarsta raha
tha jaan gaya ant nikat hai mera fir bhi kritangnata kapat usko na aya
tha shreshth balshali vikrami woh yodhdha usane sangharsh jeevan bhar kiya
par na chal kisi ke saath kiya
aisi shresth usaki gaatha
shresth dhanurdhar tha koi toh woh bas Karn kehlata!
Mayuri Patil
Comments & Discussion
3 COMMENTS
Please login to read members' comments and participate in the discussion.