Writters note :
Agar pura padh sako to hi start karna warna yahi se wapis chale jaao , magar ek baar start karoge to khatam karna padega .

Chaliye , me apko ek choti si Kahaani sunata hu , i mean padhwata hu , …. karib raat k 10 baj rahe the , Mr Badal kumar apne pregnant wife aur mata , pita k sath slowly -slowly drive karte hue hospital ja rahe the . Hospital pahuchkar kar ,apne doctor se checkup karwate he , doctor kehte he 1 ghante me delivery karna hoga . Mr Badal apne khuch friends or relatives ko call kar k hospital pahuchne ko kehte he . Mr Badal ek call aur ek drawing artist ko kar k kehte he “kya ap kal subhe 7 baje hospital aa sakte he ” .
Reply aata he “jarur sir , ap Muje hospital ka address share kar dijiye “. 2.5 ghante k baad Doctor Mr Badal ko congratulate kar karte hue unhe apne bacche ko chehera dikhate aur baki to ap logo samaj hi sakte he kitne mubaarak baad diye gaye honge ek dusre ko .
Next day , subhe karib 7 baje hospital room me Mr Badal unki wife aur unke relatives , bacche ko lekar khuch baate hi kar rahe hote he ki waha wo drawing artist aate he , unhe dekh kar Mr Badal kehte he “most welcome Mr Aashirwad”. Room k sabhi logo ko Mr Aashirwad se milwate aur phir kehte he ki “Mr Ashirwaad apko meri wife aur mere new born baby dono ki drawing banani he iss coplete hospital room k sath”
Reply milta he “ok sir “.
10minutes k andar Artist apna pura setup up kar k like different types of pencil, colour , board , some rough papers etc etc set kar k drawing karna start kar dete he .
Idhar baaki log jo room me the wo log bacche ko lekar apni baato ko continue karte he . koi kehta he naak to papa jaisa he, kisi ko lagta he khuch jada hi chota aankh he, to kisiko bachhe k gaal khuc h jada hi phule hue dikhate he (are bachhe ki jaan loge kya ) Unme se ek banda puchta he badal tum ye drawing ghar ja kar bhi to banwasakte the . Mr Badal reply karte he banwasakta tha par ghar me wo reality nahi hoti jo hospital me he , bilkul real jaisa drawing meri wife aur bachhe ka , bade hone par me mere bachhe ko dikhaunga ki kitna pyar me aur uski maa usse karte the bachpan se bade hone tak aur har aise moments ka jo bhi hum tino k bich special he aur aghe special hone wala he me un sab ko Mr Ashirwaad k drawing k through sare moments ko zinda rakhunga ” . Tabhi room ka ek aur banda kehta he ” kyu badal kya tume abhi se aisa lagta he ki tumhara bachha bade hokar tume bhul jaega jo tum use ye sare occasions yaad karwaoge ” ( kitna negetive bol gaya wo banda, but truth now a days )
Mr Badal reply” nahi aisa khich nahi me to bas un moments aur occasions ko memorable banana chahata hu ”
Phir ek banda kehta he ” memorable banane k lie drawing ki kya jarurat , occasion to yaado me hi rehte he ” ( kisiko kitna bhi samjhalo jab tak wo log jo question kar rahe he tumhari feelings nahi samjhenge tab tak aisa bewakoofiyo bhare question karenge , ab inko hi dekh lo bachhe k sath pehela drawing he, bacche ka papa occasion special banana chahate he aur ye log question mark lagane lag gae , to kaise banega aisa moments special , negetivity se to ban nahi paaega , kher chodo aage badhte he )
Mr Badal koi reply nahi karte he.
Phir Mr Badal ki mata ji unke relatives se kehte he “bachho ko parvarish aur palan poshan aj k yug me bahut muskil aur mehnat bhara ho gya he , school, college, phir doctor ya lawyer ya CA , ya phir Cricketer har jagah bahut mehnat lagta he , phir achi ladki se shadi phir bachhe ye sab aasan thodi he , humne bhi badal k piche bahut mehnat ki he .( bacha thik se paida nahi hua aur ye log uske life time achievement tak pahuchgae, inka bas chale to agle janam ka bhi schedule nikal de ) . ek relatives reply karta he ” ji bilkul humne bhi apne bache k lie baht khuch kiya he , par abhi to sirf 12 saal ka hi he abhi to pura jiwan lagana he mere bacche k piche , me chahata hu ki wo mere business ko aghe badhaae aur iske sath sath khud ki pehchaan banane k lie ek khud ka industry khada kare ”
( idhar inlogo ka iss janam aur next janam ka program chal hi raha tha ki tabhi Mr Ashirwaad ka 7 saal ka chota sa beta jo thodi dair se bahar baitha tha wo andar ajata he ,kyu ki Mr Ashirwaad ne apne bacche ko bahar rehne ko kaha tha islie wo bahar hi khuch samay se baitha tha “)
Bacha apne pita k pass ja kar chup chap baith jata he aur drawing dekhne lagta he .
Idhar baki k log Mr Ashirwaad k bachhe ko dekh kar , bachhe ki masumiyat aur pyare khubsurat chehere ko dekh kar sab k man anand aur prem se bhar jata he . Baccha khuch bina kahe apne pita k pass baith gaya aur kaafi dair tak batha hi raha aur apne pita k dwara banta hua drawing dekhta raha . Idhar baki k log apne baat me lage the k , kya kya kiya aur kya kya karna baki h abhi unhe apne bachho k future ko lekar , tabhi Mr Badal ne Mr Ashirwaad k bete se pucha ” beta tumhara naam kya he ” . Bachha bola ” uncle mera naam Biswaas he .”
Mr Badal ” ap itne chup kyu ho khuch baat kyu nahi karte , tab se chup baithe ho ”
Bachha(Biswaas) – drawing humse shant ho kar , bilkul concentration k sath ki jani chahiye , papa disturb honge to drawing kharab ho sakta he .
Biswaas ki baat sunkar room k sab log chup hogae
( bewakoofo ko mehsus hua ki wo kaafi dair se Mr Ashirwaad ko disturb kar rahe the apni bekaar ki baato se )
Mr Badal ne pucha – apko kisne kaha ki drawing humse shant ho kar , bilkul concentration k sath ki jani chahiye,papa ne ?
Biswaas – ha , papa kehte he creativity ka koi bhi kaam bina shant hue start nahi karna chahiye aur bina concentration k khatam nahi karni chahiye.
Room k baithe sare log bachhe ki baat sun kar shocked ho gae .
Mr Badal- kya apke papa apko apni tarah drawing artist banna chahate he ?
Biswaas – nahi , papa ne to kabhi nahi kaha , par ha papa Muje ek acha insaan jarur banana chahate he .
(Itna sunne k baad Mr Badal ko ajib sa mehsus hue apne man me , khuch aisa tha jise hum thoda achambha aur thoda negetivity keh sakte he, ye negetivity un pe islie chad gaya kyu ki wo samaj nahi paae ki ek acha insaan ban-ne ka kya matlab hota he aur ek acha insaan bante kaise he , unhe apne uper ka bharosa thoda kamjor kar gaya ki jo sare kaam kya me karya hu kya wo acha insaan nahi banata Muje , , Ye sab hum insaano k sath islie hota he kyu ki negetivity darasal hoti kaha he , insaan k andar hi hoti he , jin logo ka self control aur khud pe bharosa nahi hota wo log jaldi se negativeity k shikaar johate he .)
Mr Badal – Mr Ashirwaad apne kaafi achi sikcha di he Biswaas ko .
Iss par Mr Ashirwaad ne halke muskurahat k sath thanks kehte hue apna kaam jaari rakha .
Mr Badal ek side hokar baith gaye aur unke dimag me thoughts ane lage ki ek taraf hum he jo pata nahi kitna khuch sochate he apne bachho ko lekar aur ek taraf ye insaan he jo sirf apne bachhe ko “acha insaan bano” kehta he , Mr Badal aise creative mind (Ashirwaad) ko dekh kar sochane pe majbur hogae ki jo insaan apne bache ko sirf 7 saal ki age me itna prepare kar sakta ho, unse jarur apne bacche k future ko lekar khuch socha hoga yahi sochte sochte Mr Badal se raha nahi gaya aur unhone puch liya – Mr Ashirwaad kya ap ye drawing thodi dair k lie rok sakte he .
Mr Ashirwaad- kyu sir kya baat h kahiye .
Mr Badal – sabse pehele to me apko congratulation dena chahunga ki apko itna sanskari beta mila , sanskar jo apne die he uske lie jitni tarif karo cum he , kya me jaan sakta hu apne apne bete k future k bare me kya socha he , matlab ap Biswaas ko kya banana chahate he ?
Mr Ashirwaad-(halke ,muskurakar kehte he ) Sir me apne bachhe ko sabse pehele ek acha insaan banana chahata hu , mene kabhi nahi kaha ki tum meri tarah ek drawing artist bano , ya doctor yar navy join karo ya khuch aur , mera sochna ye he ki hume apne bachho ko sabse pehele yahi sikhcha deni chaiye ki kaisa ek acha insaan bana jaae, kyu ki kon he jo school me education leta he ? insaan , kon education deta he ? insaan , kon paise kamata he ? insaan , kon paise udata he?insaan , kon sadi karta he ? kon vote deta he ?kon bank chalata he ? kon desh chalata he ?kon bills pay karta he? aur wo kiss k lie ye sab karta he ? uske ghar k baaki insaano k lie , ye drawing karna ya bank operater ya ek plumber ye sab to profession he jisse ki hamare ghar pariwaar chalte he , magar in sab profession me common kon he insaan , to kyu na bilkul , insaan ko waisa prepare kiya jaae jaise ek plant k roots me paani daala jaya he , chaahe patti me pani mat dalo sirf roots me dalo roots apne aap har leaves tak paani pahuchadegi, matlab insaan ko acha insaan banaya jaae , kyu ki jab mera beta ek acha insaan banega tab wo koi bhi profession choose kare usme ek chiz jarur hogi aur wo he insaaniyat , ye profession sirf hamare ghar chalane k lie kaam aate he jisse paiso ki kami puri hoti he par insaaniyat ki jo kami he wo sirf aur sirf ek insaan k dimaag me achai dalkar hi ki ja sakti he , phir wo kahi bhi jaae khuch bhi kare wo insaniyat k sath sabko apne jaisa insaan maan kar hi kaam karega .
( ye sun kar room me baithe sare logo ko sharmindgi mehsus hui aur inke dimaag me chal rahe sirf profession k alawa duniya me insaaniyat jaisa bhi khu h h aur wo hum sab k lie bahut jaruri he ye baat samaj ma aagae , sach hi to he, bina insaaniyat k insaan kis kaam ka wo jo bhi karega sirf khud k lie karega, kyu ki usse dusre me kabhi insaniyat dikhe ga hi nahi , jab khud me hi nahi mehsus hoga to bahar dusre me dikhne ka sawaal hi paida nahi hota )
Writters note :

I wish ki jitne bhi log ye story padhe honge unhe khuh positive thoughts jaruri feel ho rahe honge , Me bata du ki ye story completely bhagwan shree Sitaram ko samarpit he , jaisa ki maine kaha , i mean likha ki roots me paani daalo , sari patto ko root he bhagwan , that’s why unhi ko samarpit.
Ap logo se ek request he me ye story ka title khuch soch nahi paya , agar ap me se koi iss story ko koi naam dena chaahe to me use thankyou bolunga . ….thankyou

(Visited 114 times, 1 visits today)