Toh apan kashi gaye the December me. Wahan itni ghats dekhi pehli baar, fascinating tha bot sab. Toh second last day par Gauri Kedar mandir me jana hua…

Ye mandir me jane ka fal asli kedarnath me 7 baar jake aajane ke fal ke barabar mana jata hai. Ye mujhe jaate time nahi pata tha, baad me pata chala. Yahan shiv ling bhi ardh narishwar form me hai, 2 parts me. Kehte hai jo is mandir ke garbha graha me aa jata hai, fir wo garbh me nahi aata. Mtlb total moksh, esa mana jata hai.

Mandir me kaafi sari deities hain aur multiple shiv lings hai. Mai sabhi ko nihar raha tha. Fir ek devi ka vigrah aaya, muje devi ka vigrah aacha laga. Jab naam par nazar padi toh naam tha ‘Madur Meenakshi devi’. Madhur padhne pe mujhe lga ke ye dangerous mamla nahi hoga ke agar kuch galti ho jaaye pooja me ya kase bhi toh deity gentle hai, maaf krne me icchuk hai( Mahavidya ki sadhana me glti hone pr log nipat jaate hai, ese kisse kaafi prachlit hai).

Maine vigrah ko acche se dekha aur mujhe Meenakshi naam padhkar hit hua ke…Arey “Meekashi Pranatosmi Santatamaham” ye toh wahi waale devi hai jo Om sir ke chant me aate hai. Kya baat hai, mai excited ho gaya. 

Maine socha ke pooja agr ho jaye yahan toh aanand ho jayega. Maine apne purse me nazar maari, kuch 2000 rupay pade the. Pujari bhaiyon se enquiry karne pr unhone 1500 ka budget nikala. Maine kahan chaliye kar skte hai. Wo samagri le aaye, puja aarmbh hui, behtarin rahi.

Pujari dhyan shlok jaldi me padh rahe the…maine kaha toda aaram se padhiye. Dhyan shlok hai na, ese padiye keh swaroop ban jaye man me. Fir maine bhi dhyan padha jo Om sir apne lgbg har Video Se pehle chant krte hai. “Srividyam…”

Highlight puja ki mere liye rahi the ke mai devi ke charon par kumkum, haldiaadi offerings chadha paya. Is mandir ki khaas baat ke yahan aap deities ke paas aa sakte ho, ese koi rok tok nahi jo samanya taha har dusre mandir me hoti hai. Maine goddess se prosperity ki iccha zahir kari jab pujari ji bole ke aap apni icha ab man me sochiye aur dhyan kijiye.

Puja ke pashchat unhone mujhe goddess ke feet se ek leaf, ek rice, ek flower offer kiye aur kaha ke paas rakhiyega apne. Mai misty eyes ho gaya ye paakar. Mera aabhas tha ke jase sach me goddess ke feet ko hi lag kar aaya hai ye prasaad na keval vigrah ko bas.

Fir unhone kaha ke chaliye shiv ling pr bhi Abhishek kr lete hai. Samagri wo log puja ki samagri ke saath hi le aaye the. Ham udhar gaye, shiv ling ka Abhishek bahot hi behtarin hua. Mai acche se shiv ling ko clean kr saka, hatho se rub kar saka (jo ki aapki venus ki ek shaandar remedy bhi hoti hai), bhagvan ko sparsh krne jasa aabhas, hlka sa mehsoos krna chaha. 

Ab iske aage jo hua, wo accha nahi tha. Abhishek ke baad pujari kehte dakshina kuch. Ab, ye dakshina, sab samagri aur jis brahamin ne abhi just puja karwai, unke cost se alag un hone demand, kari. Toh maine socha ke chalo koi baat nahi, mandiro me esa hota hi hai. Toh maine 100 rupay unhe aur de diye. Toh woh samne se kehte ke “Na na…500 dakshina do” Maine kaha mere paas nahi hai aur dene ke liye. (Kuch paise toh aane jaane etc me chaiye hote hai, 500 kuch hi bche the.) Aur maine kaha ke maine tabhi hi pehle aaplogo se rate puch liya tha na. Toh wo bole “nahi, ye pooja ki nahi ye mandir ki dakshina hai…aapne hamara mandir use kiya apni pooja ke liye toh do.” Maine spasht kiya ke muje esa nahi btaya gaya tha. Aur maine kaha ye dakshina hai ya fees hai bhaiya, ye particular amount demand kase kr skte ho. Toh wo kehte “Fees hi hai. Tumne shiv ling ho hath lagaya, 500 rupay do.” Maine nahi diye aur mai udaas aur hurt devi ke vigrah ke paas wps aaya. Wahan ka sab mahaol mujhe alg lga ab kyunki mere andar ka sab mahaol change ho gaya tha. Maine kaha muje todi der yahan baithne do aap log. Toh bhi wo pujari piche se kehta “Jab (haisiyat) ni hoti toh pooja karwai hi kyun…”

Ye sunkar maine sidhe devi ki aankhon me dekha aur man me kaha ke…”Aap nahi ho…nahi ho skte! kyunki haan kehte hai aap har jagah ho mgr mandir toh, khaskar, aapka ghar kaha jata hai na. Aur agr aap ho, aur aap esa hone de rahe ho toh nahi chaiye ho aap”  Ye hurtful isiliye bhi aur tha ke maine maangi bhi pooja me prosperity hi thi, aur puja ke pashchaat, zaleel bhi usi ki kami ke karan hua. 

Mai devi ki aankhon me dekhta raha kuch minute…blur ho gaya tha drishya sara kyunki meri palki bhig chuki thi. Mai wahan se utha, ek head pujari se jate hue pucha maine “kya aapke mandir me dakshina nahi fees hoti hai…500 rupay?” Wo kehte “haan fees hi hai, lekin jab koi nahi de toh chillana bhi nahi chaiye jasa tunhare saath hua.”

Mandir se nikal gaya mai. Nikalte hi mera haath meri pocket me gaya…usme devi ke charon ke phul, leaf aur rice the. Maine turant bhari kanth se unhe fenk diya. Aur apne raste chal pada. Kashi ka mujhe ye gift raha ke muje agnostic( ke shyd ishvaar hon…malum toh kiya jaaye) se atheist (nahi ho skte) banadiya. Esa man me mehsoos kar maine kashi ke us raatri me pravesh kiya.

 

PS.: I would appreciate no discussion in comments for this. Mujhe aaplogo ke comments wase bhi nahi dikhte hai. There is something that happened in the morning( which will come in part 2 of this post) which is essential to read before you comment anything.