Ābhārī Hūn

Tumhein milne se pehle na thā mālūm, main kitane andhere main reh rahī hūn,
Tumhāre sānidhya main ākar jānā, main kyā galat aur kyā sahī kar rahī hūn,
Swāmījī mujhe apanāne ke liye ābhārī hūn !

Zindagī kī bhāgadaud main khud ko jaise kho rahī thī,
Tumhāre zindagī mein āte hī apanī manzil kī taraf jā rahī hūn,
Swāmījī mujhe apanāne ke liye ābhārī hūn !

Tumhāre kadamon par chalanā thodā kaṭhin hī sahī, par chal rahī hūn,
Khud ko jaise ek naye sire se jān rahī hūn, har din ek nayā RAK kar rahī hūn,
Swāmījī mujhe apanāne ke liye ābhārī hūn !

Mujhe jāne binā kaise tumane khule dil se apanāyā, ye soch rahī hūn,
Tum par mere karamon kā bojh kam karane ke liye, khud ko tumhāre lāyak banā rahī hūn,
Swāmījī mujhe apanāne ke liye ābhārī hūn !

Shrīhari kī itanī kṛupā baras rahī hai, kyā main is lāyak thī ye soch rahī hūn,
Janamon tak merā hāth na chhodnā Swāmījī, bas itnī sī guzārish kar rahī hūn,
Swāmījī mujhe apanāne ke liye ābhārī hūn !

– Anita Om